අහස ගුගුරා..
අකුණු පුපුරා..
මගේ හිත වැන්දඹු වුනා..
හිමි හැර යන ගැහැණියකගේ හඬාවැටෙන සිතක සිතුවම
මොනවට කියාපාන මේ ශෝකී පදපෙලේ භාව රසය ඔප් නංවන්නට
නන්දාමාලනිය නොඅඩුව හඬ සපයන්නීය..
ගිගුරුම මුලින්ද..අකුණ පසුවද පැමිණියද..
ඈ ගතින් තවමත් පතිනියයි..සිතින් වැන්දඹුවකි..
වසා ගන් දොර මගේ හිමියනි.
නුඹට රිසි නම් යන්ට යන්නෙමි
නෝක්කාඩුවෙන් දොර වසන්නට පැවසුවද ඔහු තවමත් ඇයට "මගේ හිමිමය"..
යන්ට යන්නේ ඔහුට රිසි නිසා මිස ඇයට රිසි නිසා නොවේ..
කාලයක් නැති
තාලයක් නැති
විජිතයේ කටු ඔටුණු හැර යමි
කාලයක් නැත්තේ කුමකටද?
තාලයක් නැත්තේ කුමකටද?
ඇයට හිමි ඔහු නම් විජිතය අද කටු ඔටුණ්නකි.
කාලයක් අපි ආදරෙන් සිටි
සොඳුරු මතකය අරන් යන්නෙමි.
ව්ජිතය දිග්විජය කෙරූ කල
මතකය පවා රැගෙන යන්නේ අවසර ඇතිවයි..
බැන්ද රන් දම්
මගේ ගෙල වට
මුදා විසිකොට
හඬන අහසට
රන් දම් විසි කරණුයේ මොහොතකට පෙර
ගුගුරා..අකුණු පුපුරා ගිය..මේ දැන් හඬන අහසටමය..
අහස නම් වූ ඇගේ සිත..
මගේ සිහිනයේ නුඹ නිදන් කොට
කුරුටු ගී දහසක් ලියන්නෙමි
නිධන් කරනුයේ වටිනා දෑය..
නැවත ගනු පිණිසය..
ඇගේ සිහිනයේ ඔහු නිධන් වන්නේ..?
මිහිපිට ආලකමන්දාවේ කුරුටු ගී ලීවේ
විජුලතා.. මේඝලතා..වැණීමටය..
ඇය කුරුටු ගී ලියනුයේ..
හිතකින් යන ගමනක් නොවේ..
නුඹට රිසි නම් යන්ට යන්නෙමි...
"අග පිපි මල්" ටෙලි නාට්‍යය
ගායනය - නන්දා මාලිනී
සංගීතය - නදීක ගුරුගේ
පද රචනය - සුම්ත්‍රා රාහුබද්ධ
